Vintraj tagoj en Tampere 12.-13.3.2011
Esperanto-societo Antaŭen 90-jara
Kunvenejo: Hotelo Cumulus, Koskikatu 5, Tampere
Dum Vintraj tagoj en Tampere ni festos la lokan esperantosocieton Antaŭen pro 90-jariĝo per ekspozicio kaj historietoj, vizitos Laboristan muzeon Werstas, ricevos informojn pri eblecoj lerni esperanton en Finnlando, partoprenos kunvenojn de membrosocietoj de EAF kaj kompreneble dimanĉe la jarkunvenon de EAF mem.
Vintraj tagoj komenciĝos sabate 12.3. je 11.00 per prezento de esperanto al la granda publiko: Esperanto en nuksoŝelo. Ek de 12.00 la partoprenantoj povos registriĝi ĉe akceptejo kaj viziti libroservon. La malfermo de la tagoj okazos je 13.00 kaj la programo tiam daŭros per prelegoj pri la temo de la tagoj kaj pri aktualaĵoj de Esperantujo.
Dimanĉe okazos la jarkunveno de la asocio – grava ebleco influi la agadon de la asocio dum la jaro kaj dum venontaj jaroj. Posttagmeze ni ekskursos al Laborista muzeo Werstas kaj finos la tagojn post la muzea vizito en Kafejo Nostagia je 15.00.
Bonvenon!
Esperanto en nuksoŝelo –prezento sabate 12.3. je 11.00
SENPAGA ENIRO
Aĉeteblas la finnlingva versio de la internacia lernolibro de Stano MARĈEK "Esperanto per rekta metodo".
Ekspozicio pri la 90 jaroj de la Esperanto-societo Antaŭen.
Kontaktuloj
Programo, jarkunvenaj aferoj, kunvenĉambroj ktp:
Tuomo GRUNDSTRÖM, Tiina OITTINEN, Päivi SAARINEN
Aliĝoj: Päivi SAARINEN
Kontaktinformoj de Tuomo, Tiina kaj Päivi en la paĝo estraro.
Lokaj kontaktuloj (tranoktoj aliloke en Cumulus, vojaĝeblecoj, informoj pri Tampere ks.):
Tapani AARNE, <tapani PUNKTO aarne AT mbnet PUNKTO fi>, tel. 050 524 5823
Sylvia HÄMÄLÄINEN, <sylvia PUNKTO h AT kolumbus PUNKTO fi>, tel. 050 321 4313