Tampere 11.12.2006

La geamikoj el Hämeenlinna pasintan semajnon alportis la jubilean skatolon al Tampere. Hieraŭ la 11an de decembro Antaŭenanoj malfermis ĝin kaj fervore konatiĝis kun la enhavo. Venis eĉ kelkaj membroj, kiujn oni ne renkontas en kunvenoj, por skribi sian nomon en la jubilea libro. Entute 12 personoj ĉeestis en la okazo. Samtage okazis du sufiĉe longaj intervjuoj en du apartaj lokaj radiostacioj kaj unu novaĵo pri la 100jariĝo de EAF kaj la okazo en senpaga gazeto. Poste ricevos Jyväskylä la skatolon. (Sylvia Hämäläinen)

Hämeenlinna 27.11.2006
La sekva akcepto de la jubilea skatolo estis en Hämeenlinna. La skatolon portis el Turku al Hämeenlinna la prezidanto de Esperanto-societo en Turku kaj ghi estis malfermita dum la jula festeto de Hämeenlinna-anoj 27.11.2006. (Esperantolehti)

Turku 1.11.2006
La skatolo alvenis al Turku portita de la prezidanto de Salo kaj estis solene antauendonita al Esperanto-societo en Turku. Dum la akcepto en la malnova urbodomo la societo regalis per verdaj kuketoj kaj verda trinkajho. La kontribuo de la klubo al la jubilea skatolo estis i.a. turismaj prospektoj pri Turku, deklaro de la kristnaska paco kaj poemo, kiu estas gravurita en muzeo de Wäinö Aaltonen. La feston cheestis 18 personoj kaj pri ghi estis mencioj en loka gazeto kaj okazis intervjuo de la societa prezidanto en loka radio. (Esperantolehti)

Salo 29.10.2006
El la festo de EKH en Helsinki la jubilea skatolo vojaghis al Salo, kie ghi estis akceptita en salono Lauri de la urba biblioteko. La arangho estis malfermita ankau al la publiko. Cheestis deko da festantoj. La gazetara komuniko rezultigis kelkajn artikolojn en lokaj amaskomunikiloj. (Esperantolehti)