www.esperanto.fi

Esperantolehti
Esperanta Finnlando - Esperantobladet

Ĉefredaktora artikolo

Vivo daŭras en Haitio ->

Esperanto-ekspozicio en la urba biblioteko de Turku

Novaĵoj en la februara gazeto

Forpasis Carola Jarding

Vivo daŭras en Haitio

Kubaj kuracistoj helpas

La tertremo kiu trafis Haition la 12-an de januaro 2010, skuis la mondon. 80 % de la konstruaĵoj detruiĝis, pli ol 150.000 homoj perdis la vivon. Centmiloj perdis ĉion kaj postrestas ofte kun grava handikapo. La venontajn semajnojn multnombraj personoj mortos pro manko de higieno kaj pro diareo kaj bronkito.

Feliĉe la internacia medicina helpo rapide ekis. Apenaŭ konata estas la fakto, ke Kubo ekde 1998 laboregas en Haitio por efektivigi integran sanplanon, al kiu 6.000 kubanaj kuracistoj kaj paramedicinistoj partoprenas kaj donas sian tutan atenton. En tiu kadro la preskaŭ 400 kuracistoj estis surloke en la momento mem de la katastrofo. Ilia ĉeesto estis esenca por helpi kaj kuraci la popolon dum la unuaj 72 horoj. Tuj post la tertremo, Kubo sendis ankoraŭ 60 specialistojn de la medicina brigado Henry Reeve, speciale trejnitaj kaj bone ekipitaj specialistoj por interveni okaze de katastrofo. 400 Haitiaj kuracistoj kiuj studis en Kubo aldoniĝis al la Kubaj medicinaj helpantoj. La kubaj kuracistoj transformis iliajn restadejojn en malsanulejojn. Malgraŭ ke la komunikiloj mutas pri la Kubana helpo, la 24-an de januaro, do dekdu tagojn post la fatala skuo, la Kubaj kuracistoj, kuracis jam pli ol 18.000 pacientojn kaj faris 1.700 operaciojn.

Kontaktostreboj kun esperantistoj

Estas ankaŭ esperantista komunumeto en Haitio. Jen kiel skribas kolombia esperantisto Ruben Torres pri streboj kontakti kun haitianoj post tertremo:

Mi estas amiko de Christine Theano, esperantistino el Haitio.

Post kelktaga serĉado finfine Christine aperis la 22-an de januaro, kvankam ŝia mesaĝo estas tre magra. Feliĉe ŝi vivas, sed mi ankoraǔ scias nenion pri ŝia nuna stato. Mi komprenas, ke la komunikado kun Haitio ankoraǔ estas ege malbona, sed tuj kiam mi ricevos konfirmon pri la situacio de nia Christine, mi distrumpetos ĝin serĉe de helpo. Estas alia esperantisto el Petion Vile, tre proksime al Portoprinco, kies nomo estas Michelet Michel. Kaj nun li estas serĉata de lia frato loĝanta en Usono. Pri la aliaj (ĉirkaǔ 20) esperantistoj de Portoprinco, mi aǔdis nenion ĝis hodiaǔ.

Kontaktia Haitiin

Kolumbialainen esperanton harrastaja Ruben Torres kertoo yllä siteeratussa kirjeessään, miten hän on yrittänyt ottaa yhteyttää haitilaiseen ystäväänsä Christine Theanoon ja viimein onnistunutkin 22. tammikuuta. Hän kertoo, että ainakin 20 muutakin esperantonharrastajaa Haitissa tiedetään olevan.