Festlibro
al Humphrey
Tonkin
Sabaton, la 9-an de januaro, okazis en la Centra Oficejo de UEA en
Roterdamo varmetosa aranĝo, dum kiu oni transdonis al prof. Humphrey
Tonkin la festlibron "La arto labori kune" eldontan de UEA okaze
de lia 70-a datreveno. La transdonon ĉeestis 50 invititaj gastoj kaj
multaj kontribuintoj al la festlibro.
La impona 900-paĝa libro konsistas el artikoloj, eseoj kaj rememoroj
de tuta cento da kontribuintoj. Al Tonkin precipe plaĉis la titolo de
la festlibro, "La arto labori kune",
kiel
esprimo de la ideo, kiu
ĉiam estis al li tre grava en lia agado. "La arto labori
kune" kostas 60,00 eŭrojn kaj estas mendebla ĉe la
Libroservo de UEA kaj baldaŭ ĉe aliaj libroservoj.
(el komuniko de UEA koncizigis mm)
Prelegoj pri Lapenna en reto
La Reta Kinejo de UEA proponas tri filmojn, kiuj konatigas la vivon de Ivo
Lapenna en tre persona maniero. Temas pri la prelegoj, kiujn prof. Carlo
Minnaja kaj prof. Duncan Charters faris en la Malferma Tago de la Centra
Oficejo la 28-an de novembro.
Carlo Minnaja prelegas en du partoj, ambaŭ iom pli ol 50 minutojn. Li
konatiĝis kun Lapenna jam
kiel
knabo, la eminentulo estis amiko de liaj gepatroj kaj
la kontaktoj daŭris
kiel
movada kunlaboro, i.a.
kiam Minnaja eĉ anstataŭis Lapenna
kiel
festparolanto en la la Tokia
UK
. Duncan Charters
elstarigis en sia 30-minuta prelego la kontribuon de Lapenna por antaŭenigi
la lernejan instruadon de Esperanto kaj por seriozigi la informadon kaj
dokumentadon pri Esperanto.
La prelegoj estas spekteblaj ĉe
http://www.ipernity.com/doc/97850/home/video
(el komuniko de UEA koncizigis mm)
Aperis Pasporta Servo 2010
En komenco de februaro venis adreslibro de Pasporta Servo. Por multaj tio
estis post longa atendo, ĉar en jaro 2008 okazis problemo inter
presejo kaj poŝtado kaj multaj ne ricevis la libron kaj en jaro 2009
la libro ne aperis pro ŝanĝo de kompilanto, kiam Derk Ederveen
post longa tempo adiaŭis la taskon. La nova plurhoma kompilanta teamo
faris iom da evoluon: la sistemo nun funkcias ankaŭ en interreto,
adrese http://www.pasportaservo.org , kie oni povas trovi freŝe
ĝisdatigitajn datenojn kaj homojn, kiuj en la libro ne aperis.
Kelkajn kriplaĵojn la ŝanĝoj ankaŭ venigis: la mapoj
estas nun malpli klaraj kaj logikaj ol antaŭe kaj multaj nomoj aperas
en strangaj misprintitaj aŭ mankhavaj formoj. Sed la ĝenerala
ideo, enhavo kaj aspekto estas
kiel
antaŭe kaj ni povas
esperi, ke la problemoj estas nur transira fazo.
La libro havas 1450 adresojn, kio montras dekprocentan kreskon el lastaj
aperintaj, sed tio verŝajne ne estas vera, ĉar oni volis
inkluzivi ankaŭ malfreŝajn datenojn el la lasta aperinta fojo.
La geografia distribuo estas simila kun la antaŭa: 91 landoj kaj plej
densa en Eŭropo. La plej grandaj landaj nombroj da gastigantoj estas
Francio 177, Germanio 122, Rusio 93, Pollando 87, Brazilo 86, Ukrainio 78
kaj Usono 64. La kvanto en Finnlando kreskis al 13 gastigantoj en 9
diversaj lokoj.
(mm)
UK
en Hanoj 2012
La elekto de Hanojo kiel la urbo de la 97-a Universala Kongreso de
Esperanto en 2012 estis la plej rimarkinda decido de la Estraro de UEA,
kiu kunsidis en sia plena konsisto en la Centra Oficejo ekde la 10-a
ĝis la 12-a de januaro. La Esperanto-movado de Vjetnamio havas jam
longan historion, sed la Universalan Kongreson ĝi gastigos por la
unua fojo.
La estraranoj devos ankoraŭ trakti kaj decidi pri multaj aferoj rete,
ĉar pro la frua kunsidodato ekz. la financaj dokumentoj ne povis jam
esti pretaj. Tio lasis al la estraranoj pli da tempo por interŝanĝi
ideojn interalie pri stimulado de la nun okazanta diskuto pri nova
strategia
plano
por UEA.
Kun Stefan MacGill, prezidanto de ILEI kaj ĝia observanto ĉe la
Estraro de UEA, oni parolis pri la plua evoluigo de la instrua agado. La
Estraro gratulis ILEI pro la sentebla plivigliĝo de ĝia agado
post la pasintjara konferenco. Kun granda kontento oni notis la bonan
starton de la Esperanto-ekzamenoj laŭ la normoj de la Eŭropa
Referenckadro. Por la nova serio de elstaraj sciencaj verkoj,
"Scienca Penso", en kiu jam aperis "La origino de
specioj" de Darvino, la Estraro aprobis regularon kaj envicigis por
aperigo kiel ĝia dua titolo la verkon "Lingvo kaj menso" de
la fama lingvisto Noam Chomsky. Kiel observanto de TEJO partoprenis la
kunsidon la nuna TEJO-volontulo Alexandre Baudry, kiu raportis i.a. pri la
baldaŭa apero de la eldono 2010 de gastigantoj de la Pasporta Servo
kaj pri la planata grafika reformo de la revuo "Kontakto".
(el komuniko de UEA koncizigis mm)
Sveda jarkongreso 14-16 majo
En majo 2010 okazos sveda jarkongreso en la Esperanto-Domo en Lesjöfors,
Svedio. Datoj estos 14-16 majo, kaj eblas alveni pli frue por tuttaga antaŭkongresa
ekskurso. En la programo estos prelego pri "Unu lingvo, malsamaj
kulturoj" de Kristin Tytgat, kaj teatroprezento de Georgo Handzlik.
Junulara aranĝo okazos paralele. Por informoj
konsultu www.esperanto.se, aŭ skribu al sefkongr2010@esperanto.se, aŭ
jarkongresa administrado U Luin, Myggdalsv. 123, SE-13542 Tyresö, Svedio.
Bonvenon!
Kun koraj salutoj,
Ulla Luin
Tri
UEA-komisiitoj
La Estraro de UEA nomumis en decembro tri komisiitojn. Gabi Kosiarska fariĝis
komisiito pri la Esperanta radiofonio, kampo, pri kiu ŝi ankaŭ
profesie spertas pro sia laboro por la Esperanto-elsendoj de la Pola
Radio. Brazilano Emilio Cid, kiu jam kunordigis la gazetaran kampanjon pri
la Bjalistoka
UK
, estis komisiita pri
sama agado ankaŭ lige kun estontaj UK-oj. Robert Kaminski el Pollando
ricevis taskon pri la dokumentado pri ZEO-j, t.e.
Zamenhof/Esperanto-objektoj. Pro sankialoj retiriĝis el tiu tasko
Raymond Boré, kiu en 2001 anstataŭis la faman veteranon Hugo Röllinger,
aŭtoron de "Monumente pri Esperanto".
(el komuniko de UEA koncizigis mm)
Ĝisdatigita
- Päivitetty 17.2.2009 - Mikko Mäkitalo |
