Esperanto-Asocio de Finnlando organizas ĉiujare Vintrajn Tagojn en februaro aŭ marto kaj Aŭtunajn Tagojn en septembro aŭ oktobro. Dum Vintraj Tagoj okazos ankaŭ la laŭstatuta jarkunveno de la asocio.
Vintraj Tagoj en Rauma 22.–23.3.2025
Vintraj Tagoj de EAF okazis en Rauma semajnfine, la 22-an kaj 23-an de marto 2025. La kunvenejo estis Rauman vanha kansalaisopisto, lernejo konstruita en la jaro 1827. Ĝi situas meze en la urbocentro inter merkatplaco kaj preĝejo.
La sabata programo konsistis el promena vagado en la malnova urbo gvidata de lokuloj. Dume en la lernejo okazis enkonduka provleciono de Esperanto, malferma al la publiko. La navigadinstituto, fondita en 1880, estis prezentita de ĝiaj eksa studanto kaj instruisto, esperante. En la vespero nin amuzis loka bardo. Je dimanĉo ni konatiĝis turisme kun la mezepoka urbo Rauma (Raŭmo en Esperanto) al Unesko-nomita mondheredaĵo: la malnova urbo, en kies koro ni kunvenis. Ni vidis kaj aŭdis pri Raŭma historio kaj kulturvivo en la historia muzeo Marela kaj en la artmuzeo Pinnala. La Tagoj finiĝis per komuna tagmanĝo, tn. brunĉo.
Esperanto-Asocio de Finnlando (EAF)