Somera kurso de Esperanto-Asocio de Finnlando (EAF) okazos ĉi-jare 5.-8.6.2025 en la urbo Hämeenlinna en suda Finnlando. La kursejo situas meze de la urbo proksime al la aŭtobusa stacidomo.
Ĉiutage estas instruado ĉirkaŭ kvin horoj en etaj grupoj: elementanoj (ĉefe el Finnlando), progresantoj kaj diskutantoj. Kun la tuta grupo ni havos komunan programon kaj konatiĝos i.a. kun la vidindaĵoj de la urbo. Instruas: Rodica Todor (el Rumanio), Sylvia Hämäläinen kaj Juha Metsäkallas (el Finnlando). Kursorespondeculo: Tiina Oittinen.
Kursokotizoj: 85 € (tuta kurso; ne inkluzivas tranoktadon aŭ manĝojn). La kotizon vi pagos al EAF. Demandu pliajn sciojn kaj aliĝinformojn de la kursorespondeculo, retpoŝto eaf[ĉe]esperanto.fi.
Bonvenon! Tervetuloa!
Ĝisdatigita: 2025-04-12
> Kurssista suomeksi